الجمعة، 11 نوفمبر، 2011

شاهد عيان يحكي تفاصيل دخول بلحاج الي باب العزيزية بحماية قطرية



 طلب الناتو منا ان ننقسم بين طريق الزاوية المؤدى الى طرابلس وطريق العزيزية فكنت فى طريق العزيزية مع ثوار ككلة وجادوا والقلعة وثوار من منطقة تسمى ام الفار

 فى منطقة تسمى راس اللفعة وفى طريقنا الى المفرق كان ترافقنا طائرات الاباتشى من فوق وكسيارة اسعاف كان عندنا اللاسلكى , فجاءنا نداء بالتوجه الى منطقة الكسارة

 جاء اتصال لبلحاج من شخص قطرى واعطيناهم احداثيات موقعنا وبالفعل جاءت 5 سيارات نوع ستيشن كالتى يستخدمها القذافى وركب معهم تم وبعد ساعتين وجدته يتحدث الى مراسل الجزيرة عبدالعظيم كمحرر لطرابلس

 نزل (بلحاج ) من سيارات قطر فى باب العزيزية وتوجه الى عبد العظيم وتم تسويقه كمحرر لطرابلس وكان جدا خائف

أنا المواطن محمد على المغربى من سكان طرابلس وأصلى من شكشوك , أريد ان أسرد لكم حقيقة المسمى عبدالحكيم بلحاج , أنا أشتغل فى الهلال الاحمر الاماراتى واقود سيارة اسعاف خلف خطوط الثوار ونحاول البقاء معهم على بعد 3 كيلومتر دائما لنكون قريبا وسريعين فى نقل الجرحى , المهم بعد تحرير مدينة الزاوية على يد ثوار الزاوية والجبل جميعا , جائنا امر من الناتو بعدم التقدم من ناحية الزاوية بل من ناحية مفرق العزيزية , وبالفعل توجه الثوار من هناك فى يوم تحرير طرابلس وفى ذلك الوقت كانت تصلنا نداءات إغاثة عبر الراديو من سكان طرابلس الدين حرروا اماكنهم فى سوق الجمعة وفشلوم وراس حسن وغيرها , المهم طلب الناتو منا ان ننقسم بين طريق الزاوية المؤدى الى طرابلس وطريق العزيزية فكنت فى طريق العزيزية مع ثوار ككلة وجادوا والقلعة وثوار من منطقة تسمى ام الفار , وكان معنا كتيبة ثوار طرابلس والتى كان عددها لا يتجاوز 200 شخص نصفهم غير مسلحين وأغلبهم يركبون فى سيارات الثوار من الخلف ( العكرية ) المهم فى منطقة تسمى راس اللفعة وفى طريقنا الى المفرق كانت ترافقنا طائرات الاباتشى من فوق وكسيارة اسعاف كان عندنا اللاسلكى , فجاءنا نداء بالتوجه الى منطقة الكسارة وهناك التقيت ببلحاج لاول مرة فى حياتى وركب معى فى سيارة الاسعاف , المهم نحن لم ندخل لطرابلس وقفنا عند منطقة العزيزية ونزل ثوار لواء ككلة والقلعة وجادوا بالمئات اد لم يكن الاف وكان معهم ثوار من كل مدن ليبيا وكتيبة ثوار طرابلس القليلة العدد والعدة والمجهزة بكلاشنات اعطيت لهم فى الزنتان ,وأقسم لكم بالله كنا نشاهد معركة الدخول لساحة الشهداء (الخضراء سابقا ) عبر قناة الجزيرة فى معسكر العزيزية الدى استولو عليه قوات الزنتان , وكنت ان مع بلحاج تلك اللحظة تم تلقى إتصال من شخص مسمى عبدالقادر الصبراتى وطلب من بلحاج التوجه الى طرابلس بأسرع وقت لان الثوار دخلوا الساحة ويجب ان يتواجد ليلتقى به فى منطقة سوق الجمعة , وقال له بالحرف الواحد ثوار المجلس سيطروا على قاعدة معيتيقة فيجب التواجد , على اى حال لم نتوجه دلك اليوم الى طرابلس وتوجهنا ثانى يوم عن طريق الزاوية الى السريع وكنت مسرع الى ابعد حد وكان الهدوء يعم طرابلس فلا احد فى الخارج الا سيارات ثوار الجبل التى كانت بالمئات وفى كل زاوية وشارع وخاصة السريع وجاء اتصال من منطقة العمليات بالمنطقة الغربية فى الزنتان بالتوجه حالا الى منطقة باب العزيزية ,فتوجه سرايا الثوار هناك وقد قمنا تلك اللحظة بالتوجه الى منطقة قاعة الشعب سابقا فى جزيرة الدوران وبقينا هناك حتى الساعة 4 مساءا تم سمعنا خبر وصول ثوار مصراته الى طرابلس وفى تلك اللحظة عرفنا ان الامر محسوم وبقوة لصالحنا فتشجعنا وتقدمنا الى منطقة طريق المطار وكانت سحب الدخان تتصاعد من باب العزيزية , المهم جاء اتصال لبلحاج من شخص قطرى واعطيناهم احداثيات موقعنا وبالفعل جاءت 5 سيارات نوع ستيشن كالتى يستخدمها القذافى وركب معهم تم وبعد ساعتين وجدته يتحدث الى مراسل الجزيرة عبدالعظيم كمحرر لطرابلس وهنا عرفت من يكون بلحاج واشهد ان لا إله إلا الله محمد رسول الله , واقسم لكم بالله انى لا اسرد لكم الا الحقيقة فقد نزل من سيارات قطر فى باب العزيزية وتوجه الى عبد العظيم وسوق كمحرر لطرابلس وكان جدا خائف , فوالله الدى حرر طرابلس كان ثوار ليبيا من كل المدن والدى حرر منطقة تاجوراء هم ثوار الشرق عبر البحر ومن قدم لهم الدعم كان ثوار تاجوراء وسوق الجمعة تم مصراته تانى يوم , والله يا شباب بلحاج لم يشارك فيها ولم يملك اى كتيبة وشعبيته وهمية وخاصة فى شرق ليبيا بينما فى طرابلس لا شعبية له , وانا لا انتمى الى اى جهة انما كلمة حق اريد قولها للتاريخ

هناك 56 تعليقًا:

  1. تاجوراء حرروها تريسها يا كداب .

    ردحذف
  2. والله انت كذاب ومنافق..وبلحاج اشرف وارجل منك..

    ردحذف
  3. كداااااااااااب يا تافه يا فتان ... طرابلس تحررت من تريسها و مننكروش دور الثوار من باقي المدن .. جميلهم فوق روسنا .... و بالدات للزنتان الي مداير روحك بتخلق الفتنة بيننا

    ردحذف
  4. كذاب في نص عينك بالحاج تاريخه معروف يفرماط واضح انت تسوق الدعاية لمن؟

    ردحذف
  5. مازال الامتحان القدام توا ينعرف من هو الراجل٠ وانا اصدق كلام هذا الرجل

    ردحذف
  6. ودرنة وين طبت يا غوالي

    ردحذف
  7. رغم انى اختلف مع السيد عبد الحكيم بلحاج فكريا وسياسيا الا انى اوريد قول كلمة حق (فقسما برب محمد صلى الله عليه وسلم )ان هذا الكذاب ليس من مدينة شكشوك الطاهره ولا يوجد اى شخص يحمل اسمه او اسم عائلته محمد على المغربى فعدد سكان شكشوك لا يتجاوز 2000نسمه ونعرف كلنا بعضنا البعض سوى من يقيم فى شكشوك او خارجها ولقب المغربى لا يوجد فى كل القبائل التى تقطن شكشوك الابيه

    ردحذف
  8. خالد البهلول12 نوفمبر، 2011 8:18 ص

    و الله مسرحية بلحاج و تحرير باب العزيزية واضحة----بالله بلاش عباطة و امشو شوفو الفيديو و اعطو رايكم--------------------هو جي في استيشن و نزل قدام عبدالعظيم!!!!!!

    ردحذف
  9. ممكن والله

    ردحذف
  10. عليك كدب يا كبور خامس أولا بلحاج كان في الرجبان وقد تحدث مع الجزيرة قبل تحرير طرابلس بثلاثة أيام أي يوم 17/8/2011 ثانيا بلحاج نزل من الرجبان يوم 20/8/2011 وكان التنسيق مع كتائب ثوار طرابلس الموجوديين داخل طرابلس ولاننكر دور ثوار الجبل والزارية ومصراته التي دخلوا طرابلس يوم 22/8 فقط مصراته وباقي الثوار يوم 23/8 الفجر إن كنت صادق واني متأكد أنك تكذب مانوع الجهاز الدي كان يستعمله بلحاج في الأتصل وذلك لقولك أنه كان معك في سيارة الأسعاف ومن كان مع بلحاج المساند له في هذه العمليه ولا تقل قدريين لأنه شخص معروف وليس الحاراتي وإن شاء الله يهينا ويهديك لأنك تحلف بالكذب وأريدك أن تتقي الله في نفسك لأنك لن تجد الأجابه للأسئله التي سالتك إيها والله يشفيك من المرض الدي معك ويهديك فلا تحلف بالله لأنه علم الغيب والشهاده باتقي الله في نفسك سلام للعلم تاجوراء وسوق الجمعة من محلة تلبيغه وهي نهاية السريع سمافروا البيفيوا الى عند محلة قوز زناته اي كوبري الجامعة تحررت يوم 20/8 ليلا وكذلك شارع الضل وبن عاشور وزاوية الدهماني جامع القبطان وفشلوم وجزء من الظهراء أما راس حسن تحررت يوم 23/8 مع سيدي المصري

    ردحذف
  11. لى يكدب فى ها الرجل يجيبلى اى فيديو لى بلحاج وهو يقاتل او يقوم بقيادة عمليات

    ردحذف
  12. هذه الشهادة غير مقرونة بحقائق .. وبلحاج مش هو القائد الوحيد في جبهة طرابلس لكن ما ننكروش الدور الكبير اللي قام بيه في تحرير طرابلس وبعدين كتيبة شهداء طرابلس (ثوار طرابلس) شكّلها هو في بنغازي وقوامها أكثر من 200 لكن العدد بالضبط مش متأكد منه وإذا كان زي ما تقول انه جاه تيليفون وجنه سيارات قطرية معناها عليش ما عطوش سلاح لكتيبته إذا كان كلامك صحيح إنه ما عندهم سلاح؟

    ردحذف
  13. الي مكدب يشوف الفيديو هدا و القطري الي يحمي في بلحاج
    http://www.youtube.com/watch? v=a8aWOD37I94&feature=related

    ردحذف
  14. انا اختلف معكم فى الراى فهذ الرجل صادق !!وانا اتسأل وكيف ظهر على مسرح الاحداث من هو بلحاج وتقولو طرابلس حررها تريسها اى تريس طرابلس حررها ثوار ليبيا وخاصة الجبل الغربى والزنتان والشرق ولايختلف اثنين على النفوذ القطرى فى ليبيا وهذا ليس لوجة الله هناك اجندة قطرية فى ليبيا واحد يقول هذا موش من شكشوك وواحد يقول هذا كذاب وانا اقول هذة هى الديمقراطية وهذة هى الحقيقة وما توجع حد !!!

    ردحذف
  15. الي مكذب يشوف الفيديو هذا و القطري الي خلف بلحاج قاعد يحمي فيه و لاحظ الخوف علي بلحاج و لاحظ الحارثي اللي واخذ فلوس من الامريكان يمد في وجهه
    http://www.youtube.com/watch?v=a8aWOD37I94&feature=r
    elated

    ردحذف
  16. اولا طرابلس حررهاأهلها من الداخل وبسواعد شباب صغار قاعدة معيتيقة بوابتها الحديدية حطموهاشباب لاتتجاوز اعمارهم 19 عاما بمطارق حديدي و وساعدهم البعض ببنادق كلاشنكوف ، صباح 21/8 كانت طربلس محررة الا من بعض احياء بوسليم وباب العزيزية والخلة والمطار.
    سوق الجمعة استقبلت ثوار مصراته بالذبائح ، ولكن نظرا لان التسليح والعتاد لثوار القادمون من الشرق ومن الغرب من جميع المناطق كان لهم دور الاهم في تحرير المناطق التي لم تتحر التي ذكرتها بسبب تواجد قوات الكتائب القذافة.
    لو كان لدى لهالي سوق الجمعة وتاجوراء بضع عشر سيارة وعليها رشاش 14.5 لحررورا طرابلس بالكامل
    أما بلحاج فأنا شخصيا أؤيد بأنه لم يكن له دور في المعارك وأنه تم تسويقه .
    والأيام ستثبت ذلك
    المهم الان يجب تحرير انفسنا ولاينبغي تواجد معمر قذافي آخر

    ردحذف
  17. بلحاج اكبر متسلق على الثورة فلم نراه في اي جبهة من جبهات الجبل الأشم ولم نراه في معركة باب العزيزية ..فمن أين اتى بلحاج؟؟؟؟؟

    ردحذف
  18. كلامه منطقي لانه فعلا" لم نسمع عن انه اعتقل او عذب او استجوب او اي شيء

    ردحذف
  19. ربي مايكتب لليبيا انها تكون بين ايدين خونة وظلام ,, لو كان الكلام صحيح او غير صحيح, ربي اللي هد معمر و أولاده و حاشيته, حيهد اي خائن أو ظالم, توكلو على الله

    ردحذف
  20. بلحاج دخلت به قطر لغرض التسويق الاسلامي في المعركة ونست قطر ان الثوار كلهم قادة ويخافون الله وانهم داخلين على الموت طلبا للشهادة ، وارادت قطر ان تصنع تاريخ لهذه اللعبة المسماه بلحاج ونسي اخوانه الليبيين وبدأ بالجري وراء القطريين ، طالبا الشهرة والنجومية الاعلامية ، فطرابلس وضواحيها تحررت بفعل ثوار ليبيا بشكل عام ولا مزايدة على مساعدة ثوار المناطق الاخرى في المساعدة ومد يد العون في عمليات التحرير ، اذا كانت طرابلس لوحدها قد حررت نفسها بنفسها، لماذا لم تتحرر قبل يوم 20 /8 يلي كان ساعة الصفر لكل ثوار المحاور من الشرق ومن الغرب ، ثوار طرابلس كان لهم الفضل الكبير في المساعدة في عمليات التحرير ، ولا بلحاج ولا عمك نوم ، وفيقوا ياليبيين معاش اتصدقوا شخص ايروج لروحه في الدعايات

    ردحذف
  21. الكلام المذكور فى المقال أعلاه بخصوص بلحاج ليس جديداً وكلنا فى طرابلس نعرفه....بلحاج تسويق قطري صلابي...لن ينجحوا فى جعل الشارع الليبي يحنرمه خاصة بعد أن نسب إلى نفسه شيئاً لم يفعله...عموما هو مفضوح ومعروف ولا يهمنا بشئ...اما اللى يسبوا فى كاتب المقال ويقولوا عليه طابور خامس نقوللهم بلاش حركات قذافية..بلحاج كلنا فى طرابلس عرفنا وسمعنا قصته من ثوارنا اللى شاركوا فى تحرير طرابلس وقصتهم لا تختلف عن قصة صاحب المقال....

    ردحذف
  22. مافيش دخان بدون نار ,,,,, تورة قطر وبس
    (السلطه الناعمة )= المال والاعلام . اي بلحاج ادورفيه
    ماتغير شي في الابلاد الي الان سواء العلم والنشيد فقط
    ايضا قوادها اكتر من السابق تصفية حسابات وعنصريه ,,,,,الخ
    الجهاني

    ردحذف
  23. لا للفتنة لا للقبلية اتقو الله ,الليبييون هم من حررو ليبيا كلنا ليبيون وكلنا احرار بعد سقوط الطاغية وازلامه .الان بناء ليبيا ولا داعى للفوضى ,وخلق الاشكالات والاشاعات التى كانا يخدم عليها الطاغيةمند 42 سنة . وبارك الله فى الشيخ جاسم بن حمد والشعب القطرى وكل من ساند الشعب الليبى العظيم وبارك الله فى ثوار ليبيا البواسل والله اكبر ولله الحمد وعاشت ليبيا حرة.

    ردحذف
  24. من قام بتحرير طرابلس يوم عشرين تمانيه بعد صلاة المغرب خرجت كامل طرابلس و سيطرت على مناطقها ما عدا باب العزيزيه و بوسليم تم جاء توار ليبيا من باقي المدن ربي يحفظهم و تم تحرير المنطقتين بمساعده من توار طرابلس نظرا لي امتلاك توار المدن الأخرى السلاح التقيل تحشم بالله عليك قبل ما تدوي و ربي يهدي الجميع و ليبيا وحده واحده

    ردحذف
  25. بالحاج خاين واضح واللي يدافع على خاين يصبح خاين زية,, مش عارف فيه ناس ارخااااااااص هلبة تقدر تشريهم بي ربع جني,,, خلو ليبيا فوق الكل من هوا بالحاج ومن الصلابي المفروض طلعت عليهم دوة طول لز النم,, لكن الليبيين يحبو يقفقفو و يطبلو ,, وبالدات جماعة طرابلس مع احترامي للقلة ,, شراهم بالحاج و يجند فيهم بي 2000 دينار و يدافعو عليه اتقول رسول ,,, خونة

    ردحذف
  26. صاحب المقال صادق نوعا ما في التفاصيل ومخطئ في بعضها وطبعا هدفه الفتنة قسما بالله العلي العظيم طبعا انا من كتيبة السرايا الحمراء تاسست في الرجبان عندما دخلنا طرابلس والله لم نرمي ولا رصاصة ودخلت قوات الثوار بصفة عامة يوم 21-8 وكانت كل مناطق طرابلس محررة بالكامل واني وانتوا عارفين هذا عدا باب العزيزية وبوسليم والمطار والخلة وثوار مصراته دخلوا طرابلس يوم 22-8 وصراحة 90 في المية بعد الله الفضل في تحرير ابو سليم وباب العزية كان لثوار مصراته عالعموم عبد الحكيم بلحاج ساهم في جبهات ولكن عليه علامات استفهام في اختلاس اموال السلاح ومافي حد يزايد على طرابلس دخلناها بلا قتال وبالمناسبة شكري للبراني اشكال وعارفين علاش نشكر فيه

    ردحذف
  27. الناتو مسكين مليشي نصيب في تحرير طرابلس ولا شنو ؟؟ مافيش ولا واحد ذكرهم في تعليقاتكم !

    ردحذف
    الردود
    1. ههههههههههههههه والله كلامك حق

      حذف
  28. من هي طرابلس ياشباب خليط من كل المدن والقري لليبية واللي حرر طرابلس اولادها من الداخل والمدن الاخري من الخارج الواحد ايكمل الاخر , يعني الفضل للشباب كلهم, اما بلحاج فهو جزء من الكل وفضله يماثل فضل الاخرين ليس اكثر.اما اجندة بلحاج الخاصة فهي لاتمثل شئ للشعب الليبي الذي سوف يختار قياداته بنفسه وليس لقطر سوي الشكر علي دعمها الشعب الليبي في محنته ليس اكثر من ذلك , واذا ارادت قطر اكثر من ذلك وتدخلت في شئون ليبيا الداخلية فلا تلوم الا نفسها. لا بلحاج ولا الصلابي يمثلون الشعب حاليا مهما قدموا للثورة لانه واجبهم وليس منه

    ردحذف
  29. باهي ؟ وبعدين ؟ شنو المقصود؟ .... لماذا الاصطياد في الماء العكر .... ما غرضكم من بث هذه الأخبار ؟؟؟؟؟؟؟؟؟

    ردحذف
  30. عليك كداب يا كبادي

    ردحذف
  31. الفيديوات موجودة يوم 2011/8/20 وكل منطقة بطرابلس حررت نفسها والله ما فيها لاثوار شرق ولاغرب ماعدا أبوسليم والهضبة اللي بقيت إلى يوم 2011/8/23 وجاء الدعم من المناطق التي خارج طرابلس واللتحموا مع ثوار طرابلس للقيام بمعركة باب العزيزية وأبوسليم وتم تحريرها. أما بخصوص تحرير طرابلس والله العظيم إذا كانت طرابلس غير موافقة على دخول الثوار والترحيب بهم لانها تريد تغيير النظام فلن ولن يخلوها ألى يوم القيامة ومننسوش أن كل ثوار المناطق الأخرى عند دخولهم إلى المدن كان بغطاء من الناتو وقوة قطرية على الأرض تتمثل في التنسيق مع الناتو وإجراء الأتصالات ..

    ردحذف
  32. بالحاج خريج افغانستان وغير متعلم ولم يحارب القدافي من افغانستان لتايلند وماليزيا الي الامريكان اللذين سلموه للقدافي وسيف طلعه بعد ما اعلنوا توبتهم المعرفوه بالمراجعة تحت اشراف الصلابي لقد اعطيتوه اكتر من حجمه

    ردحذف
  33. الواضح جدا ان هذا المقال مفبرك ,ومن هو صاحب المقال حتى نصدقه , والسؤال الأساسي لماذا كتابة هذا الموضوع الآن خصوصا بعد خروج بعض الأصوات الشادة (وهي أيضا من أزلام الحكم البائد) وهذه الاصوات تدعو الى التشكيك في كل من وقف أو ساعد هذه الثورة المجيدة , أرجو من الليبيين الأحرار الانتباه والحدر

    ردحذف
  34. لا تهم الاسماء بقدر ما تهم مصلحة ليبيا قبل كل شيء تحية من تونسي لثوار ليبيا

    ردحذف
  35. الطحالب لا تزال صامدة, ياسركم من العار و نشر مقالات كاذبة, القذافي مات و كان في حاجة تبي تساهم بيها تفضل, و لا فالحين في الدوا.. د د د د

    ردحذف
  36. بش تعر ف روحك كداب الصورة إللى حاطهاالزوز صحابى وكانو معاي فبني وليد مالهمش علأقة باالدوة إللى حكيتها بكل.....معاش تكدب راك كبيررررررررر ......وأستنونى حتى انى بندير صفحة نكدب فيها ....مش أنتم بس...وبندور صورة ..ساعدنى تكدب مليح انت ......بعنوان القدافى كيف إمنع....ع فكرة يوم القيامة قرب شوووووووووووووووف روحك

    ردحذف
  37. السلام عليكم انا من ثوار سوق الجمعة وكان في تنسيق بينا وبين مجموعة عبد الحكيم بلحاج وكان في دعم مادي حت شرينه السلاح بالفلوس وهدا الكلام من شهر 5 وكان تنسيق سري للغاية وكان في اجتماع يوم 20 رمضان الساعة3 ضهرا وتوزع السلاح وداخيرة وكانالموعد بعد ادان المغرب مباشرتا كنت مع مجموعتى وكان التنسيق مع المجموعات التانية كله تمام وكنت اعداد المجموعات حسب علمي من15 الي 35 كل مجموعة ومجموعتي كانت 25 وكان موجود لدينا 15 الكلاشن واربي جي هدا في سوق الجمعة لم يتم التدخل من اي قوه لاشرقية ولا غربيه اتريس سوق الجمعة فقط تم وصول امدادفي سعات الصباح المبكر من مصراتة لااعلم سلاح ودخيره وتما انزلها في تاجوراء ولم يتدخل اي احد من المدن الأخرة في تحرير طرابلس حريرات برجالها ودفعة تمن حريتها كباقي المناطق

    ردحذف
  38. يا قاعدكم تحرثوا في البحر

    ردحذف
  39. لا حول ولا قوة الا بالله

    ردحذف
  40. بالحاج ؟؟؟؟
    قاده ثوار مصراته ليهم 6شهور من تاريخ تحرير طرابلس ومعمرهمش طلعو ع الشاشات كموقف ابطال وحرر مصراته الى ان وصلو تاجورا والتحمو مع ابطال تاجورا ودخلو لطرابلس وهم من اقتحمو باب العزيزيه واول من دخلوه وبعد دلك يخرج بالحاج من خلف الكمرات فمن باب اولى مئات الابطال قاده عسكريين ان يخرجو بدلا من بالحاح
    مادا قدم بالحاج ماهو الدور او المعارك التي شارك فيها ما هي المواقف البطوليه لبلحاج ؟
    اللهم الا الخروج خلف كمرات الجزيره والخروج كبطل

    ردحذف
  41. أنا مفهمتش اللي كاتب المقال لشن يبي يوصل؟ شن المشكلة طربلس حررها بلحاج وإلا ثوار ليبيا المهم تحررت وبتحريرها كانت نقطة الفصل في تحرير ليبيا..
    ياسركم من الدوة الزايدة وخلونا نبنونا ليبيا
    وأنا متأكد من اللي كاتب المقال هذا ما يطلع إلا طحلب وواجعه بشفشوفة

    ردحذف
  42. بسم الله ... يا إخوه والله العظيم اتباع ابن اليهوديه يحاولوا زرع الحساسيات وإثارة الفتن وفكروا معي بالله في هذه النقاط:
    1- هناك ثوار قدموا من الشرق وكانت أمنيتهم تحرير عاصمتهم الحبيبه ولكنهم استشهدوا في راس لانوف وفي الوادي الأحمر وتم الغدر بهم مرتين في بن جواد ... فمن وصل منهم لطرابلس سواء شارك في المعركه أم لم يشارك فلا نقل له إلا كلمة شكرا وجزاك الله خيرا ولا داعي للعنصريه والجهويه فطرابلس ليست للطرابلسيين فقط فهي عاصمتنا كلنا وتهم كل ثائر يحب ليبيا.
    2- لماذا بدأ بعظكم يقحم الصلابي اثناء مهاجمة بلحاج .... طبعا السبب واضح لأنهم متدينان ويحملان ثقافة إسلاميه وهذا ما يحاربه العلمانيون أعداء الإسلام. فواجبهم جميعا هو تشويه الإسلام والإسلاميين.
    3- مجرد وجود بلحاج في المعركه دليل على مشاركته فيها وهل يقبل أي ليبي أن نستثنيه هو بالذات من شرف المشاركة في قتال فلول كتائب شكالون اليهودي.
    4- لماذا التنكر الآن لدور قطر ... ولماذا نردد أنها تريد السيطره علينا وأنها ضدنا ... ماذا فعلت قطر من سوء لنا ....لقد وقفت معنا ويجب أن لا نكون جاحدين فنحن شعب لا ينكر فضل أهل الفضل.
    5- هل يصدق أي عاقل أن القطرين جاءوا لباب العزيزيه فقط لمجرد حراسة بلحاج ... سبحان الله
    6- إحذروا كلاب المدمر القردافي وما يحاولون زرعه من حساسيات وفتن واحذروا أعداء الإسلام فوالله هي ثورة التكبير والمكبرين وسر نجاح تحرير طرابلس يبدأ بالتكبير في المساجد في تلك الليله وفي اختيار يوم فتح مكه المبارك وفي دعاء كل المسلمين لنا بالنصر على الساحر اشكالون ابن زمنه اليهوديه الذي أعلن انه يمثل صمام الأمان لأخواله الإسرائيليين. والسلام عليكم

    ردحذف
  43. تحرير طرابلس كان تتويجا لكل معارك الثورة فلولا ثوار مصراته و الجبل الغربي وثوار الشرق ما كان ليتم تحرير طرابلس بلحاج هدا وكتيبته لم يكن له اي دور في تحرير طرابلس ولكنه يحظى بدعم قطري .
    شرف تحرير طرابلس ناله الاف الثوار من مختلف المناطق وان كنا سنختار احد قادة الكتائب ليكون رمزا فبلحاج اخر من يستحق هذا الشرف .لكنه الاعلام والاجندات الخفيه .
    لاحظت ان كثيرين يتحدثون ان طرابلس تحررت باهلها وهذا كلام صحيح فقط في تاجوراء و سوق الجمعه وان كان لزحف ثوار الجبل من الغرب دور فيه لانه جعل هم الكتائب في صد الثوار من الغرب اما بقية اجزاء طرابلس فقد خرج اهلها عند وصول الثوار القادمين من الجبل والزاوية

    ردحذف
  44. الكل يمجد بالكل وهذا حرر وهذا اشترك وبلحاج اتصل وهذا يدافع عن قطر وهذا يهاجم وكلكم نسيتم دور طائرات الناتو ودور البراني اشكال فوالله لولا خيانة البراني لما دخل مننا واحد وكلنا كنا خايفين من دخول طرابلس بالله عليكم كفى مزايده وتمجيد لانفسكم ولبعضكم

    ردحذف
    الردود
    1. http://www.youtube.com/watch?v=a8aWOD37I94&feature=r
      elated
      والله انك رجل

      حذف
  45. المنتصر بالله

    من يضع يد في يد قطر اكرر قطر من اجل حكم شعب عظيم لا يستحق ولا يستاهل النطق باسمه حتى ولو سرا

    لا يوجد وقت لتحليل حان الوقت لا ثبات وجودك يالليبي ... وعدم ترك حريتك لاي شخص مهم كان الاسباب ولا تزكي احد ولا تعظم احد لا تخلق فرعون جديد
    انت يالليبي اقوة واكبر من كل الاشخاص التي تراهم في الساحة .... اجعلهم يخاوفك ولا تخافهم ويحسبوا لرايك الف حساب
    اجعل كلمتك تغيير ولا تجعل نفسك تتغير باي راي

    لا يبقى وحيد انضم لاي جامعة او حزب اجعل لك ثقل

    لا تسفق لهم ... اترهم هم يسفقوا لك لكسب ودك
    انت ايها الشعب من حرر ليبيا ادا كان من قدم السلاح جعل من نفسه بطل فكيف من قدم نفسه فداء

    لا وجود للافراد البقاء لليبيا وشعبها فقط

    الحـــــــــــــــــــ لناــــــــــــرية

    ردحذف
  46. والله كلامك سليم يا شكشوكى انا سمعتهامن فترة القصة هدة والله انت صادق لان هدة حقيقة بلحاج المتسلق العميل القطري هو والصلابي وامثالهم

    ردحذف
  47. http://www.youtube.com/watch?v=a8aWOD37I94&feature=r
    elated
    والله بلحاج شكله مرعووووووووووووب خخخخخخخخخ

    ردحذف
  48. فاتح البوسعادي13 فبراير، 2012 10:19 ص

    كلهم نفس الشاكلة و العمليات 98% قام بها النيتو الصليبي

    ردحذف
  49. لاحرورها ولادها لاشى حررها الناتو اللي كان ايزن علي روسنا طول الليل والنهار كان مش اليهود ما قدرتو اديرو شى

    ردحذف
  50. ما عندي غير انقول ياخساره يا بلادي كيف كنتي وكيف خلوك ولادك مقهوره انتي واهلك لكن لا ياسه من رحمة الله اللي فوق كل شى

    ردحذف
  51. اهـــــــــــــــــم شيئ يا جردان النيتو يا مضحكة يا دمى برنارد ليفي اعترفو انكم وهميين وجردان للناتو ودمى للغرب يا فروخ الكلاب وتواء ورونا شاطرتكم والدكر ايبان حاليا في الميدان بس انتم وهميين وحتالة وما تسو حاجة بدون الناتو يا جردان الناتو النيتو وووووووووين وين النيتو الناتو بح وانهاركم اسود يوم17

    ردحذف
  52. سوف تندمون يوم لاينفع الندم بما فعلتم بوطنكم وبأبناء بلدكم واخوانكم واهلالكم ستندمون يوم لايرفع عنكم احدكم ندمكم ويوم لايؤزركم فيه احد ا سوف تتدكرون كم دماء سالت على هده الارض من دون اي شيئ ولاجدوى قلتم تحررتم قلتم اردتم الدمقراطية اين الان الدمقراطيةاين الان الحرية القتل في كل مكان وفي كل يوم قلتم سوف تنالون مرتبات عالية اين المعشات اين المرتبات واين واين واين قلتم انكم اصحاب قظية اين قظيتكم الان ثروتكم تسرق من طرف الغرب والامريكان والخليج والاردن ومصر وتونس وارضكم مستباحةوحدث ولا حرج قلتم لديكم برنامج سياسي اين البرامج السياسي هل هو كما قال مستشاركم تزوجوا اربعة وهل مثل هدا الشخص يستحق ان يحكم ليبيا وهو لايحكم حتى نفسه لان القرار ليس في يديه القرار في يدي صانعه واسياده الدين اتو به تحت طائرات حلف الناتو تدكروا جيدا ان التاريخ لن ولن ولن يرحمكم والاجيال القادمة ولا حتى ابنائكم واطفالكم غدا سوف يكبرون ولا يجدون في ليبيا لاأمل ولا مسقبل عندا داك ستعظون على النواجد .

    ردحذف
  53. هما هذا كله مش هامهم مش توا يعرفو اللي داروه اكبر غلطه في حياتهم لكن بيجي الوقت اللي ماينفعش فيه الندم لان في رقابيهم دم الناس اللي ماتت وشن ايخلصهم منها يوم غدوه لكن عندنا امل وخلي ايقولوا طحالب مش تعرفوا انكم جاهلين علي الاقل الطحالب فيها فيده والمهم ضحكو عليكم اليهود وخلوكم تقتلو بعض بحجة الحريه والديمقراطيه تغير ايطبقوها قبل في بالدهم بعدين يتكلمو

    ردحذف
  54. والنتيجه ليبيا دمرتوها وحققتم هدف اعداء العرب والبلاد الان تحكمها عصابات للنهب والقتل والتعذيب واصبحت تجارة الاسرى رائجه يقبضو على اناس ابرياء من اجل الفديه هذه ليست ثوره لانها بدون عقيده وبدون قياده هؤلاء حاقدين وطامعين ليبيا رجعوها عقود للخلف الحكومه المستورده ما يهما ليبيا كم واحد يقتل او تسرق ممتلكاته او يعذب ولايهمها ان تفتت ليبيا الى دويلات قزميه امازيغ تبو طوارق برقه مصراته الذى يهمهم فقط الفلوس التى يهربوها للخارج لانهم اجانب خونه جبناء عمركم رائيتم رئيس وزراء يوقع امر صرف لعصابه تحت تهديد السلاح عمركم ريتو جيش وشرطه مكون من مليشيات الله لك يا بلادنا ضيعوها اولاد الحرام والزنادقه والكلاب الضاله

    ردحذف